Nas últimas datas, a Sra. Alcaldesa, prodígase en notas de prensa con advertencias aos hostaleiros, comerciantes e veciños, en xeral, sobre o depósito de lixo nos colectores.
Ao Grupo Socialista a existencia dunhas normas de funcionamento, e o seu cumprimento, parécelle axeitado, mais tamén cremos que os gobernantes temos que dar exemplo e aportar solucións ás distintas situacións. E neste sentido, queremos trasladarlle á Sra. Alcaldesa, que o exemplo que o Concello proxecta sobre, mantemento, limpeza e ornato deixa moito que desexar. É deplorable, a FOTOGRAFÍA FIXA DUNHA CIDADE SUCIA E ABANDONADA.
Sobre a retirada do lixo, como VICEPRESIDENTA DO CONSORCIO DAS MARIÑAS, institución encargada da recollida do mesmo, dicirlle que é necesario ter en conta a época estival e a existencia dunha importante cantidade de comercios e hostalería que necesitan depositar o lixo e, polo tanto, que lle busquen solucións.
En definitiva, cremos que a Sra. Alcaldesa e o seu grupo de goberno, debían perder menos tempo na súa insistente propaganda e centrarse mais en traballar e buscar solucións á cidadanía, en xeral.
