Ao Grupo Socialista parécelle ben e apoia tódalas accións que poidan favorecer e mellorar a accesibilidade aos edificios públicos mais estimamos que as actuacións e as solucións teñen que ser meditadas e sopesadas axeitadamente.
No caso das obras que se están a facer nas Escolas García Irmáns creemos que estas supoñen un custo desmesurado posto que a solución buscada é a mais complexa. Construíronse uns muros totalmente antiestéticos cando se podía ter feito dun xeito menos agresivo esteticamente e moito mais económico.
O Grupo Socialista, igual que fixemos coas obras da Praza, solicitámoslle á Alcaldesa menos precipitación e mais reflexión nas decisións e gastos que pagamos todos.
